في عام
2015 وتحديدا في يوم العلم تم الإعلان عن مبادرة
إنشاء بنك المعرفة المصري من قبل رئيس الجمهورية ، واللي بعد كده تم إطلاقه على الإنترنت
في "يوم الشباب المصري" 9 يناير 2016 خلال احتفال أقيم في دار الأوبرا المصرية،
مع إمكانية السماح بالدخول للموقع بشكل كامل في 23 يناير 2016. وبعد كده مجلس التعليم
والبحث العلمي المصري وقع اتفاقيات مع أكثر من 26 دار نشر إقليمية ودولية لإدراجها
في بنك المعرفة المصري. واللى أصبحت حاليا اكثر من 32 دار نشر عالمية.
(الهدف)
الهدف الأساسي
من مشروع بنك المعرفة المصري هو إصلاح التعليم فى مصر وده عن طريق زيادة الاستثمار
فى البحث العلمى والاهتمام بيه، وكمان عن طريق التركيز على استكمال المناهج الدراسية
في المدارس والجامعات مع توفير موارد جودتها عالية للمناطق السكانية اللي بتعاني من انخفاض بالمجالات الاجتماعية والاقتصادية
.
أنا عارف إنك هتستغرب
لو قولتلك إن بنك المعرفة المصرى هو أحد أكبر
وأشمل بنوك المعرفة على مستوى العالم، بس ده حقيقي فعلاً، وده لأنه بيحتوي على مجموعة
مصادر معرفية وتعليمية وثقافية وبحثية من أكبر دور النشر العالمية وكمان بيعتبر أحد المشروعات الرائدة على مستوى العالم
من حيث الإتاحة المعرفية على المستوى القومى.
(المحتويات)
البنك بيحتوى على
بوابتين رئيسيتين، كل بوابة منهم لها عدد من
البوابات الفرعية
البوابة الرئيسية
الأولى هي بوابة إتاحة المعلومات www.ekb.eg وتعد من أكبر المكتبات الرقمية
ومركز معرفة إلكتروني على مستوى العالم، واللي بتقدم وصول مجاني للمنشورات العلمية
في العديد من فروع المعرفة لكل أفراد الشعب داخل جمهورية مصر العربية، وبتقدم خدماتها
من خلال أربع بوابات فرعية هنقولهم كمان شوية، ودي بتسجل عليها عن طريق الرقم القومي
والبريد الإلكتروني وبعض البيانات الشخصية والوظيفية البسيطة، .
أما عن البوابة
الرئيسية الثانية لبنك المعرفة المصري فهى بوابة إنتاج و نشر الأبحاث العلمية المحلية
سواء كانت من الجامعات المصرية او المعاهد
والمراكز البحثية أو أي جهة بحثية أو أكاديمية داخل جمهورية مصر العربية، وده بيتم
من خلال نظام نشر إلكتروني متكامل وفقاً للمعايير العالمية.
تعالو ناخد جولة
سريعة في البوابة الرئيسية الأولى واللي بتحتوي زي ما قولنا على أربع بوابات فرعية
بوابة الباحثين،
بوابة الطلاب والمعلمين، بوابة عموم القراء، بوابة الاطفال
بالنسبة للبوابة
الخاصة بالباحثين بتحتوي على أحدث ما وصل إليه العلم من إكتشافات من قِبَل أكبر دور
النشر واعرق الجمعيات البحثية الغير هادفة
للربح.
بتحتوي كمان على
آلالاف الدوريات المتخصصة ذات معامل التأثير المرتفعة فى المجلات البحثية المختلفة
بالاضافة لمئات الكتب والمراجع العامة والمتخصصة وكمان مجموعة قواعد البيانات والادوات
البحثية، مثال على ده، قاعدة بيانات بريتنكا الاكاديمية وقاعدة البيانات العالمية ألزفير واللى بتقدم مجموعة أدوات فى غاية الروعة للباحثين ..
وللطلابة بوابة
خاصة سهلة الاستخدام تحتوى على نظام بحث مرن سهل الاستخدام للبحث فى الالاف المقررات
الدراسيه للمرحلة الجامعية وقبل الجامعية، ده غير آلالاف الكتب و مئات الفيديوهات والصور
الحقيقية والتخيلية اللي بتسهل الشرح والتفسير
للمعلومات المنهجية
اما عن بوابة القراء
هتلاقي ف بنك
المعرفة المصري مجموعة قواعد البيانات العربية والمصادر الأدبية والتراثية باللغة العربية
كمان موجود بعض المجلات العامة والمحلية.
واخيرا بوابة الاطفال
وصغار السن واللي بتحتوي علي واجهة بسيطة ومميزة، وهنلاقي فيها مجموعة من الكتب والألعاب
التعليمية التفاعلية، والقصص المصورة والصوتية واللي ممكن من خلالها الطفل يستمتع ويتعلم
بشكل ممتع.
لمشاهدة الفيديو على قناتنا على اليوتيوب